Իրանում հայտնաբերվել է թեթև նավթի աշխարհի ամենահարուստ պաշարը

Աշխարհում թեթև նավթի ամենահարուստ պաշարներով վայրը հայտնաբերվել է Իրանի Խոզեստան գավառում և սպասվում է, որ առաջիկա օրերին Իրանի նավթային պաշարների նախարարաությունն այդ առնչությամբ մանրամասն տեղեկություններ կհաղորդի, հայտնում է Mehr գործակալությունը։

Պաշարների հայտնաբերման կոնկրետ վայրի մասին մանրամասները չեն հաղորդվել։ Միայն նշվում է, որ այն գտնվում է երկրի հարավային Խոզեստան գավառում։ Վերջին տասը տարիներին աշխարհում չէր հայտնաբերվել թեթև նավթի պաշարներով հարուստ վայր։

Այսօր Իրանն ունի 155 միլիարդ բարել նավթային պաշար և ավելի քան 33.1 տրիլիոն խմ բնական գազ, ինչի արդյունքում համարվում է աշխարհի խոշորագույն էներգետիկ պահուստներ ունեցող երկիրը։