Արևմտյան երկրների դեսպանների կանայք դիմել են Բաշար Ասադի կնոջը՝ արյունահեղությունը դադարեցնելու խնդրանքով (տեսանյութ)
Մերձավոր Արևելք
ՄԱԿ–ում Մեծ Բրիտանիայի և Գերմանիայի մշտական ներկայացուցիչների կանայք դիմել են Սիրիայի նախագահի կնոջը՝ Ասմա Ասադին, որպեսզի համոզի իր ամուսնուն դադարեցնել արյունահեղությունը Սիրիայում, հաղորդում է BBC-ն։
Չորս րոպեանոց տեսանյութը տեղադրված է YouTube կայքում։ Դրանում բրիտանացի և գերմանացի դիվանագետների կանայք Ասմա Ասադին կոչ են արել մի կողմ չքաշվել տեղի ունեցող իրադարձություններից և դադարեցնել բռնությունները՝ իրավիճակից դուրս գալու համար։
«Հանուն Ձեր ժողովրդի, կա՛նգնեցրու ամուսնուդ», - ասված է հայտարարության մեջ։
Դեսպանների կանայք Եվրոպայում կրթություն ստացած Ասմա Ասադին նաև հիշեցնում են եվրոպական արժեքների մասին։
«Ի՞նչ է քեզ պատահել, Ասմա», – հարցնում են դիվանագետների կանայք։
Ազգությամբ սիրիացի Բաշար Ասադի կինը Մեծ Բրիտանիայի քաղաքացիություն ունի։ Նա ծնվել է Լոնդոնում և կրթություն ստացել Արևմուտքում։ Շատերի կարծիքով, նա ի վիճակի է ոգեշնչել իր ամուսնուն երկրում ժողովրդավարական բարեփոխումներ իրականացնելու համար։
Սակայն, երկար լռությունից հետո փետրվարին Ասմա Ասադը բրիտանական Times պարբերականին տված հարցազրույցում նշել էր, թեկարծում է, որ Սիրիայի համար այս դժվարին ժամանակներում ամենահարմար թեկնածուն իր ամուսինն է։
ՈՒՂԻՂ ԵԹԵՐ
Ամենադիտված 
Ծեծկռտուք Մոսկվայի ռեստորաններից մեկում՝ հայտնի գործարարի և «Դոն Պիպոյի» միջև․ վերջինս թիկնապահի հետ փախուստի է դիմել (տեսանյութ)
