Անջելինա Ջոլին և Բրեդ Փիթն ամուսնանում են 7 տարի միասին ապրելուց հետո

Համաշխարհային կինոարտադրության ամենաճանաչված դերասաններից Անջելինա Ջոլին և Բրեդ Փիթը որոշել են 7 տարի համատեղ կյանքից հետո օրինականացնել իրենց հարաբերությունները: Նրանք արդեն սկսել են նախապատրաստվել հարսանիքին և արդեն կազմել 300 մարդուց բաղկացած հյուրերի ցուցակը, հայտնում է novoteka.ru կայքը:

Շրջանառվող լուրերի համաձայն` հոլիվուդյան զույգը որոշել է հարսանիք անել ֆրանսիական հայտնի Պրովանսում գտնվող 16-րդ դարի Միրավել ամրոցում: Ըստ ամերիկյան մամուլի` այս տարվա մարտին Փիթն ու Ջոլին երեխաների հետ եղել են Պրովանսում և արդեն ձեռք բերել թույլտվություն` ամրոցում հարսանիք անելու համար:

Հատկանշական է, որ հրավիրվածների մեջ նշվում է նաև Անջելինայի հոր անունը, ում հետ դերասանուհին երկար ժամանակ է` չի շփվում: