ԱՄՆ-ը հերքել է ԻՊ-ի դեմ պայքարում Թուրքիայի հետ համաձայնության գալու մասին լուրը
Թուրքիա
Սպիտակ տան խոսնակ Ջոշ Էրնեստը հայտարարել է, որ Սիրիայում «Իսլամական պետություն» (ԻՊ) ահաբեկչական խմբավորման դեմ պայքարի հարցում Անկարայի հետ համաձայնության գալու մասին Թուրքիայի ԱԳՆ-ի հայտարարությունը չի համապատասխանում իրականությանը:
Այս մասին, ինչպես հաղորդում է «Արմենպրես»-ը, հայտնում է թուրքական Demokrat Haber-ը:
«ԻՊ-ի հետ պայքարում Թուրքիայի հետ որեւէ համաձայնություն չի եղել», -ասել է նա' միաժամանակ նշելով, որ Վաշինգտոնը շահագրգռված է ԻՊ-ի հարցում ԱՄՆ-ի եւ Թուրքիայի միջեւ համակարգումը խորացնելու պայմանավորվածություններով:
Թուրքիայի արտաքին գործերի նախարար Մևվլութ Չավուշօղլուն Reuters-ին տված հարցազրույցում հայտարարել է, որ Անկարայի եւ Վաշինգտոնի միջեւ ԻՊ-ի հետ պայքարի հարցում բանակցություններն ավարտվել են, ռազմական գործողություններին Սաուդյան Արաբիայի, Քաթարի եւ Հորդանանի հետ միասին պետք է մասնակցեն նաեւ Մեծ Բրիտանիայի եւ Ֆրանսիայի ռազմական ուժերը:
Չավուշօղլուն նաեւ հույս էր հայտնել, որ հիշյալ երկրների միջեւ այդ «համաձայնությունը» ուղերձ է հանդիսանում Սիրիայի նախագահ Բաշար Ասադին' երկրի ապագայի վերաբերյալ բանակցային սեղանի շուրջ նստելու համար:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
