«Հրապարակ». Արգելանք ոչ թե հաշվի, այլ գույքի վրա
Հայկական Մամուլ
«Նախօրեին մենք Կենտրոն, Նորք-Մարաշ համայնքների ընդհանուր իրավասության դատարանից ստացել էինք «Հրապարակի» դրամական միջոցների վրա կալանք դնելու մասին որոշումը: Հիշեցնենք, որ խոսքը փաստաբան Արթուր Գրիգորյանի հայցի մասին, է, որը մեր թերթի հոդվածներից մեկի տակ ընթերցողների թողած մեկնաբանությունների համար մեզ դատի է տվել և 18 միլիոն պահանջել:
Իսկ որպես հայցի ապահովման միջոց՝ առաջարկել էր արգելանք դնել ոչ միայն դրամական միջոցների վրա, այլև գույքի ու այս վեճի հետ կապված տեղեկություններ հաղորդելու իրավունքի: Դատարանի որոշումն ստանալուն պես մենք միջնորդություն էինք ներկայացրել հայցի ապահովման միջոցը վերցնելու մասին: Հիմնավորումն այն էր, որ նման արգելանքը կխոչընդոտի թերթի տպագրությունը: Հետևություն էինք արել, որ սա ուղղված է խոսքի ազատության դեմ: Դատարանը պարտավոր էր եռօրյա ժամկետում քննել այս միջնորդությունը: Երեկ դատավոր Գ. Խանդանյանն այդ հարցով նիստ էր նշանակել և, քննելով մեր միջնորդությունը, նոր որոշում կայացրեց: Ոչ թե վերացրեց հայցի ապահովման միջոցը, այլ ձևափոխեց՝ դրամական միջոցների վրա դրված արգելանքը փոխարինելով գույքի արգելանքով, ինչը գոնե չի վտանգի թերթի հետագա տպագրությունը»,– գրում է թերթը:
ՈՒՂԻՂ ԵԹԵՐ
Ամենադիտված 
«Մարինան նույնպես չկարողացավ հաղթել այդ չարիքին». Իրինա Թովմասյանը ցավալի լուր է հայտնել
