ԱՄՆ իշխանություները ազգությամբ ռուս Նյու Յորքի բնակչին մեղադրում են կիբեռհանցագործության մեղադրանքով

ԱՄՆ իշխանությունները մեղադրանք են առաջադրել Նյու Յորքում բնակվող ազգությամբ ռուս քաղաքացու նկատմամբ՝ կիբեռհանցագործության կատարելու համար, հաղորդում է France-Presse–ը։

31-ամյա Պիտեր Մարմելյուկը, որը նաև հայտնի է որպես Դմիտրի Տոկար, կասկածվում է մեկ միլիոն դոլար խարդախությամբ գողանալու մեջ։ 

Համաձայն Նյու Յորքի դատախազության տեղեկությունների, Մարմելյուկը 2010-ին համագործակցել է մի հանցավոր խմբի հետ, որի անդամներն ապօրինաբար կոտրել են Scottrade, ETrade, Fidelity, Schwab բրոքերային ընկերությունների հաճախորդների և այլ բրոքերային ընկերությունների աշխատակիցների հաշիվները, ինչպես նաև իրականացրել են մի շարք անօրինական ֆինանսական գործարքներ։

Զեղծարարները քաղաքացիների հաշիվները և անձնական տվյալներ մուտք են գործել www.jobcentral2.net կայքի միջոցով, որն այժմ չի գործում։ Այն հանդես եկել որպես աշխատանքի որոնման կայք և մարդկանց անունից կեղծ հարկային հաշվետվություններ է ներկայացրել և դրանց դիմաց ստացել փոխհատուցում։

Մարմելյուկին սպառնում է մինչև հինգ տարվա ազատազրկում կամ 250 հազար դոլար տուգանք։