Մեկնարկում է Առնո Բաբաջանյանի անվան պատանի դաշնակահարների հանրապետական 9-րդ մրցույթը

ՀՀ մշակույթի նախարարությունը, Ա. Բաբաջանյանի հիշատակի միջազգային հիմնադրամը, Հայաստանի կոմպոզիտորների և երաժշտագետների միությունը, Մշակութային կրթության աջակցության հիմնադրամը՝ ս. թ. ապրիլի 27-ից մայիսի 3-ը անցկացնում են Ա. Բաբաջանյանի անվան պատանի դաշնակահարների հանրապետական 9-րդ մրցույթը:

Անվանի կոմպոզիտորի անունը կրող մրցույթը հիմնադրվել է 1986 թվականին և իրականացվում է երեք տարին մեկ անգամ: Մրցույթի նպատակն է բացահայտել շնորհալի պատանի դաշնակահարներին, օժանդակել նրանց ստեղծագործական գործունեությանը, նախապատրաստել միջազգային մրցույթների, նպաստել հայ կոմպոզիտորների դաշնամուրային ստեղծագործությունների տարածմանը:

Պատանի դաշնակահարների հանրապետական 9-րդ մրցույթին կարող են մասնակցել կրտսեր /2012 թ. մարտի 1-ի դրությամբ մինչև 12 տարեկան ներառյալ/ և ավագ խմբերի /2012 թ. մարտի 1-ի դրությամբ13-15 տարեկան ներառյալ/ պատանի դաշնակահարներ:

Ա. Բաբաջանյանի անվան պատանի դաշնակահարների 9-րդ մրցույթի մասնակցության համար ներկայացվել է շուրջ 76 հայտ՝ Երևանից, ԼՂՀ-ից և ՀՀ մարզերից: Մրցույթի հաղթողների համար սահմանված են հետևյալ մրցանակները՝

1-ին մրցանակ - դիպլոմ և դրամական պարգև
2-րդ մրցանակ - դիպլոմ և դրամական պարգև
3-րդ մրցանակ - դիպլոմ և դրամական պարգև

Այն մասնակիցներն, ովքեր մրցույթի 2-րդ փուլում մրցանակների չեն արժանանա կպարգևատրվեն խրախուսական պատվոգրերով, սահմանված են նաև հատուկ մրցանակներ:

Ա. Բաբաջանյանի անվան պատանի դաշնակահարների հանրապետական 9-րդ մրցույթի բացման արարողությունը կկայանա ապրիլի 27-ին ժամը 18:00-ին, իսկ փակումը՝ մայիսի 3-ին ժամը 18:00-ին «Ա. Բաբաջանյան» համերգասրահում:

Այս տարի, Ա. Բաբաջանյանի անվան պատանի դաշնակահարների հանրապետական մրցույթի կազմկոմիտեն նախագահում է ՀՀ մշակույթի նախարարի տեղակալ Արթուր Պողոսյանը, կոմիտեի անդամներն են՝ Շահեն Շահինյանը /Երևանի Կոմիտասի անվան պետական կոնսերվատորիայի ռեկտոր/, Արա Բաբաջանյանը /Ա. Բաբաջանյանի հիշատակի միջազգային հիմնադրամի նախագահ/, Սեյրանուհի Գեղամյանը /ՀՀ մշակույթի նախարարության աշխատակազմի ժամանակակից արվեստի վարչության պետ/, Գագիկ Մանասյանը /Հայաստանի պետական ֆիլհարմոնիայի տնօրեն/, Դմիտրի Առաքելյանը /Հայաստանի կոմպոզիտորների և երաժշտագետների միության նախագահի տեղակալ/, Ժակ Հակոբյանը /Ա. Բաբաջանյանի հիշատակի միջազգային հիմնադրամի Հայաստանի մասնաճյուղի նախագահ/, Նելլի Սարգսյանը /Մշակութային կրթության աջակցության հիմնադրամի տնօրեն/, Մարտուն Կոստանդյանը /Պ. Ի. Չայկովսկու անվան միջնակարգ երաժշտական մասնագիտական դպրոցի տնօրեն/, Լիլիա Նիկոյանը /ՀՀ մշակույթի նախարարության աշխատակազմի ժամանակակից արվեստի վարչության գլխավոր մասնագետ/: Իսկ մրցույթի հանձնաժողովը նախագահում է Արմեն Բաբախանյանը /Երևանի Կոմիտասի անվան պետական կոնսերվատորիայի դաշնամուրային ֆակուլտետի դեկան, դոցենտ, միջազգային մրցույթների դափնեկիր/, հանձնաժողովի անդամներն են՝ Կարեն Դուրգարյանը /Ալ. Սպենդիարյանի անվան օպերայի և բալետի ազգային ակադեմիական թատրոնի գլխավոր դիրիժոր/, Սերգեյ Քեչեկը /Երևանի Կոմիտասի անվան պետական կոնսերվատորիայի պրոֆեսոր/, Ռոզա Թանդիլյանը /Երևանի Կոմիտասի անվան պետական կոնսերվատորիայի պրոֆեսոր/, Զարուհի Վարդանյանը /Պ. Ի. Չայկովսկու անվան միջնակարգ երաժշտական մասնագիտական դպրոցի տնօրենի տեղակալ/, Արմեն Աղաջանյանը /Չարենցավանի Ա. Խաչատրյանի անվան երաժշտական դպրոցի տնօրենի տեղակալ/, Լիլիա Նիկոյանը /ՀՀ մշակույթի նախարարության աշխատակազմի ժամանակակից արվեստի վարչության գլխավոր մասնագետ/: