Փլուզում Չարենցավանում` ԿԳՆ-ին պատկանող շենքում

Ապրիլի 19-ին, ժամը 15.37-ին ահազանգ է ստացվել Կոտայքի մարզի Չարենցավան քաղաքի 7-րդ թաղամասի թիվ 15 շենքի մասնակի փլուզման մասին:

Դեպքի վայր է մեկնել մարզային փրկարարական վարչության օպերատիվ խումբը:

ԱԻՆ լրատվական ծառայության փոխանցմամբ` դեռևս չբացահայտված հանգամանքներում փլուզվել են ՀՀ ԿԳՆ-ին պատկանող 4-րդ կարգի վթարայնության շենքի հենասյան երեսպատման տուֆե սալիկները` 3 քմ մակերեսով: Դեպքի վայրում են գտնվել նաև Չարենցավանի քաղաքապետարանի աշխատակիցներ:

Չարենցավանի քաղաքապետարանին կառաջարկվի վերաբնակեցնել տվյալ շենքի բնակիչներին: