Ռուսաստանը կանխորոշել է ԼՂՀ հակամարտության ելքը. Վլադիմիր Կարապետյան
Արտաքին Քաղաքական
Թիվ 2 ընտրատարածքում առաջադրված պատգամավորության թեկնածու Վլադիմիր Կարապետյանն այսօր ՀԱԿ-ի հրավիրած հանրահավաքի իր ելույթում անդրադարձավ ապրիլի 3-ին Բաքվում Ռուսաստանի և Ադրբեջանի արտգործանախարարների ընդունած հայտարարությանը:
«Ռուսաստանն ու Ադրբեջանը պայմանավորվել են, որ ԼՂՀ հակամարտությունը պետք է կարգավորվի Ադրբեջանի տարածքային ամբողջականության սկզբունքով: Միջնորդներից մեկը կանխորոշել է հակամարտության ելքը: Ինչպե՞ս կարելի է ԼՂՀ կարգավորման գործընթացում նման անընդունելի զարգացումը թողնել անպատասխան: Դուք ՀՀ ԱԳՆ-ից որևէ պատասխան լսե՞լ եք։ Այս իշխանությունները բանակցային գործընթացն այնպիսի անմխիթար վիճակի են հասցրել, որ նույնիսկ արձագանքելու կարողությունն են կորցրել»,- հայտարարեց Կարապետյանը:
Ըստ Վլադիմիր Կարապետյանի՝ նման փաստաթղթի ի հայտ գալը ՄԱԿ-ի անվտանգության խորհրդում բանաձև ընդունելու ճանապարհ է բացում Ադրբեջանի համար:
«Եթե նախկինում կարելի էր ակնկալել, որ Ռուսաստանը վետո կդնի, ապա այժմ այս փաստաթուղթը վկայում է, որ Ռուսաստանի դիրքորոշման մեջ կա լուրջ փոփոխություն»,- ասաց Կարապետյանը՝ հավելելով, որ սա ռեժիմի ձախողումն է և պետք է օր առաջ հրաժարականի պահանջ ներկայացնել:
ՈՒՂԻՂ ԵԹԵՐ
Ամենադիտված 
Սպանություն է տեղի ունեցել Երևանում
