Ցանկացած երկրի ընդդիմություն կնախանձեր Հայաստանի ընդդիմությանը. Լևոն Տեր-Պետրոսյան

Պատասխանելով այն մեղադրանքներին, թե ՀԱԿ-ը անհանդուրժողական է ու չի կարողանում միավորել ամբողջ ընդդիմությանը՝ ՀԱԿ առաջնորդ Լևոն Տեր-Պետրոսյանն այսօրվա հանրահավաքի ժամանակ հայտարարեց, թե չի տեսել որևէ երկիր, որտեղ որևէ ուժ կարողացել է միավորել ամբողջ ընդդիմությանը:

«Եթե ասում են, քաղաքականությունից ոչինչ չեն հասկանում: Հաշվի չեն առնում նաև այն, որ ՀԱԿ-ում ընդգրկված է տասնութ կուսակցություն, և ես չեմ հիշում պատմության մեջ որևէ դեպք, երբ ընդդիմությանը հաջողվել է միավորել այդքան կուսակցությունների»,- հայտարարեց Տեր-Պետրոսյանը:

Այն մեղադրանքներն, թե ՀԱԿ-ը հանդուրժող չէ ու չի ուզում երկխոսել, Տեր–Պետրոսյանն ասաց, թե իրենց հստակ արտահայտել են իրենց դիրքորոշումը, ազատել քաղբանտարկյալներին, որից հետո՝ երկխոսել:

«Դա համարեցին գործարք Սերժ Սարգսյանի հետ: Տեսաք՝ ինչպես ավարտվեց այդ գործարքը: Երկխոսությունը ամենանշանակալի քաղաքական իրադարձությունն էր նորագույն պատմության մեջ, երբ ընդդիմադիր կողմը դաժան պայքարից հետո երկխոության մեջ մտավ՝ դնելով քաղաքական մշակույթի հիմքը, որը պետք է փայփայվի, գուրգուրվի, որը պետք է դառնա քաղաքական վարքի Աստվածաշունչը՝ թե՛ ընդդիմության և թե՛ իշխանութան: Դա մեր պետության նվաճումն էր»- ընգծեց ՀԱԿ առաջնորդը:

Իսկ այն մեղադրանքներին, թե երկխոսությունն արդյունք չտվեց, Տեր-Պետրոսյանը պատասխանեց, որ երկխոսության հեռանկարի շնորհիվ էր, որ հաջողվեց ազատ արձակել քաղբանտարկյալներին, վերանվաճել Ազատության հրապարակը և ստիպել իշխանություններին՝ ստանձնել մարտի 1-ի բացահատման գործը:

«Ցանկացած երկրի ընդդիմություն կնախանձեր Հայաստանի ընդդիմությանը, որ կարողացավ այսքան նվաճումների հասնել»,- ասաց Տեր-Պետրոսյանը: