Բահրեյնի ոստիկանությունն ուժեղացված անվատանգության միջոցառումներ է իրականացնում Ֆորմուլա 1 մայրուղու երկայնքով

Շաբաթ երեկոյան Բահրեյնում ուժեղացվել են անվտանգության միջոցառումները՝ կիրակի օրը Ֆորմուլա 1 համաշխարհային ավտոմրցարշավին  նախապատրաստվող բողոքի ցույցերին ընդառաջ, հաղորդում է BBC Russian–ը։ 

Երկրի անվտանգության ուժերը ավելի վաղ արցունքաբեր գազ և շփոթեցնող նռնակներ էին օգտագործել հակակառավարական բողոքի ցույցերը ցրելու նպատակով, որոնք տեղի էին ունենում մայրաքաղաք Մանամայի մոտակայքում գտնվող շիա մահմեդականներով բնակեցված գյուղերում։

Ընդդիմության ակտիվիստները խոստացել են «Զայրույթի երեք օր» կոչվող զանգվածային բողոքի ցույցեր անցկացնել ընդդեմ Ֆորմուլա 1–ի անցկացման և այլակարծության դեմ պայքարի։

Երկրի ղեկավարը ուրբաթ հայտարարել է, որ ավտոմրցաշարի անցակցումը կամ կասեցումը ցուցարարների ձեռքում է գտնվում։ Մայրաքաղաք Մանամայի փողոցներ են բերվել զրահապատ ռազմական մեքենաներ։

Անցյալ տարի փետրվարին Բահրեյնում Ֆորմուլա 1–ի անցկացումը չեղյալ համարվեց հակակառավարական բողոքի ցույցերի պատճառով, որի ժամանակ, ըստ իրավապաշտպանների, զոհվել է առնվազն 35 մարդ։