Ծառատունկ Ծիծեռնակաբերդում

Այսօր Ծիծեռնակաբերդում Նուբարաշենի նոր կազմավորված հրետանային բրիգադի զինվորների նախաձեռնությամբ իրականացվեց ծառատունկ :

Հինգերորդ կորպուսի հոգևոր սպասավոր Հովհաննես Սարկավագի խոսքերով այսօր զինվորների հետ միասին փորձել են մասնակցել Աստծո արարչագործությանը.

«Աստված ստեղծեց մարդուն, բնությունը և մենք, այս կերպ մասնակից ենք Աստծո արարչագործությանը»,–ասաց Հովհաննես Սարկավագը:

Այս օրը համընկել է Երկրի օրվա հետ։ Զինվորները ծառատունկ իրականացնելով նաև հարգել են Եղեռնի զոհերի հիշատակը:

Բանակային ողջ կազմը մասնակցեց ծառատունկին: Ծառատունկն իրականացվեց Պաշտպանության նախարարության և «Հայ անտառ» կազմակերպության աջակցությամբ:

Զինվորները նշեցին, որ իրենց զորամասում էլ են իրականացնում ծառատունկ ու այսուհետ, նման բնապահպանական կոնտեքստով ակցիաները կլինեն պարբերաբար:

Աստղիկ Շահինյան