Դավութօղլուն հայտնել է Իրաքում առևանգված թուրք բանվորների ազատ արձակվելու մասին
Թուրքիա
Թուրքիայի վարչապետ Ահմեդ Դավութօղլուն պաշտոնապես հայտնել է այն մասին, որ Իրաքում գերի վերցված թուրք բանվորներն ազատ են արձակվել: Այս մասին վարչապետը գրառում է կատարել «Թվիթեր»-ի իր միկրոբլոգում:
«Տևական ժամանակ Բաղդատում գերի ընկած մեր 16 բանվորները քիչ առաջ հանձնվել են Բաղդատում մեր դեսպանին: Որոշ բանվորների հետ հեռախոսազրույց եմ ունեցել: Բոլոր նախապատրաստություններն արվում են սեղմ ժամկետներում նրանց հայրենիք վերադարձնելու նպատակով»,- նշել է Դավութօղլուն:
18 թուրք բանվոր շիական խմբավորման կողմից առևանգվել էին Բաղդատում սեպտեմբերի 2-ին: Խմբավորումը հրապարակել էր տեսանյութ՝ ներկայացնելով իր պահանջները: Իրենց «Մահապարտների խումբ» անվանող շիա մուսուլմանները տեսանյութում, որտեղ երևում են նաև առևանգված թուրքերը, հայտարարել էին, որ բանվորներին ազատ արձակելու դիմաց Էրդողանը պետք է կատարի իրենց պահանջները: Մասնավորապես նրանք պահանջել էին թույլ չտալ Թուրքիայի տարածքով զինված անձանց մուտքը Իրաք, դադարեցնել Քրդստանից գողացված վառելիքի հոսքը Թուրքիայով:
Ավելի ուշ բանվորներից երկուսն ազատ էին արձակվել:
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
