Հոմսի մոտ սիրիական բանակի հարձակման ընթացքում «Նուսրայի» հարյուրից ավելի զինյալներ են սպանվել

Սիրիայի բանակը հատուկ գործողություն է անցկացրել Հոմս քաղաքից հյուսիս-արեւմուտք ընկած երեք շրջաններում և ոչնչացրել «Ջեբհաթ ան Նուսրա» ահաբեկչական խմբավորման երեք դաշտային հրամանատարի և 107 զինյալի: Այդ մասին, ինչպես տեղեկացնում է «Արմենպրես»-ը, ՌԻԱ Նովոստիին հայտնել է զինվորական մի աղբյուր:

Հոմսը գրեթե մեկ տարի գտնվում է սիրիական բանակի լիակատար հսկողության ներքո: Ահաբեկիչների ձեռքին են մնում քաղաքից հյուսիս ընկած մի քանի շրջաններ, ներառյալ Վաար շրջանը, որտեղ, զինվորականների տվյալներով, դիրքավորվել է շուրջ 5 հազար զինյալ:

«Բանակը մարտական գործողություն է անցկացրել Հոմսի մերձակա՝ Թալբիսի, Ռաստեն բնակավայրերում: Դրան նախորդել են հրետանային հարվածները զինյալների հիմնական դիրքերին, ինչի հետևանքով սպանվել են 110 ահաբեկիչներ: Մեր տվյալներով՝ նրանցից երեքը «Նուսրայի» դաշտային հրամանատարներ են»,- պատմել է գործակալության զրուցակիցը, հաղորդել է ՌԻԱ Նովոստին: