Թուրքիան խոչընդոտել է ՆԱՏՕ-ի գագաթնաժողովին Իսրայելի մասնակցությանը

Թուրքիան արգելափակել է Իսրայելի պատվիրակության մասնակցությունը մայիսի 20–21–ը Չիկագոյում անցկացվելիք ՆԱՏՕ–ի գագաթնաժողովին, հաղորդում է Hurriyet Daily News–ը։

Ըստ թերթի՝ Անկարան մերժել է գագաթնաժողովին Իսրայելի մասնակցության հարցում վետո չկիրառելու դաշինքի անդամ երկրների խնդրանքը, այդ թվում՝ ԱՄՆ–ի, որը նույնպես խնդրել է Անկարային նման քայլի չգնալ։

Թուրքիան պնդում է, որ Իսրայելի իշխանությունները պետք է անպայման պաշտոնապես ներողություն խնդրեն 2010–ին Երուսաղեմում «Ազատության նավատորմի» 9-ը թուրք անդամների սպանության համար։

Միևնույն ժամանակ Թուրքիայի արտգործնախարար Ահմեդ Դավութօղլուն քննադատական հայտարարությամբ է հանդես եկել ՆԱՏՕ–ի այն երկրների դեմ, որոնք պաշտոնական Անկարային դիմել են իսրայելական պատվիրակության ժամանումն Անկարա չխոչընդոտելու խնդրանքով։ Դավութօղլուն հայտարարել է, որ այդ երկրները պետք է Իսրայելին խորհուրդ տան, որպեսզի այդ երկրի իշխանությունները պաշտոնապես ներողություն խնդրեն և փոխհատուցում տրամադրեն զոհվածների ընտանիքներին, ինչպես նաև դադարեցնեն Թուրքիայի նկատմամբ ճնշումները։