«Հայկական ժամանակ». Ռուբեն Հայրապետյանը չունի ութ միլիոն դրամը գերազանցող ոչ մի գույք

Ըստ Սժ պատգամավոր, ՀՖՖ նախագահ Ռուբեն Հայրապետյանի ԿԸՀ-ին ներկայացրած գույքի և եկամուտների հայտարարագրի, 2012-ի մարտի 1-ի դրությամբ նա այլևս ոչ մի ընկերության սեփականատեր չի հանդիսանում և անգամ բաժնեմաս չունի: 2007-ին նա հայտարարագրել էր 14 ընկերությունների բաժնետոմսեր: Կարելի է ենթադրել, որ նա իր ընկերությունների բաժնետոմսերը գրանցել է հարազատների անուններով: Վերջին մեկ տարում Հայրապետյանն ունեցել է 16 մլն 460 հազար դրամի եկամուտ, որից 3 մլն 51 հազարն Աժ պատգամավորի աշխատավարձն է, իսկ մնացածը հայտարարագրել է որպես «Զարգացման հայկական բանկից» ստացած շահաբաժին: Հայրապետյանի բանկային հաշիվներին 2012-ի մարտի 1-ի դրությամբ եղել են 1 մլրդ 300 մլն դրամ և 19 մլն 300 հազար դոլար: 2007–ին նա ունեցել 11 մլրդ 650 մլն դրամ և 18 մլն 500 հազար դոլար: Նա հայտարարագրել 15 հողամաս՝ Կոտայքի մարզի Պտղնի գյուղում՝ 2800 ք/մ, Սևանի ափին՝ 3690 ք/մ, Ավան-Առինջում՝ 3 հազ. ք/մ, Ծաղկաձորում՝ 2 հեկտար 47 հազ. ք/մ և Առինջում՝ 4 հեկտար մակերեսով: Բնակելի շինություն ունի Պտղնիում՝ 846 ք/մ և Սևանի ափին՝ 424 ք/մ մակերեսով: Ռուբեն Հայրապետյանը հայտարարագրել է յոթ ավտոմեքենա, 2007-ին՝ հինգն էին: Այժմ նա ունի «Մերսեդես Բենց Վիանո», «Լեքսուս Լ470», «Ռոլս-Օոյս», «Մերսեդես Բենց Տ500», «Պորշ-Կայեն», «Կադիլակ Դևիլ» և «Լեքսուս Լ1 600Ւ1Լ»: «Հին» ավտոմեքենաներից Հայրապետյանի ավտոպարկում մնացել է «Լեքսուս Լ470»-ը: Մնացածը նա 2007 թվականից հետո է ձեռք բերել: Նա չունի ութ միլիոն դրամը գերազանցող ոչ մի գույք: