Վլադիմիր Գասպարյանը՝ ցեղասպանության ճանաչման մասին (տեսանյութ)

Այսօր ՀՀ ոստիկանապետ Վլադիմիր Գասպարյանը Ծիծեռնակաբերդի հուշահամալիր կատարած այցի ժամանակ Լուրեր.com–ի թղթակցի հետ զրույցում անդրադառնալով Սերժ Սարգսյանի`հայոց ցեղասպանության միջազգային ճանացման հարցում կատարած աշխատանքին, ասաց. «Ամբողջ ընթացքը տեսնում ենք, տեսնում ենք՝ ինչ է կատարվում Ֆրանսիայում»։

Հարցին, թե ինչպես կմեկնաբանի այն, որ նախագահի պաշտոնավարման ժամանակ միայն մեկ պետություն՝ Շվեյցարիան է ընդունել ցեղասպանությունը, Վլադիմիր Գասպարյանն ասաց. «Դա մի պրոցես է, որը չես կարող ասել՝ այս ժամանակահատավածը և այն ժամանակահատվածը։ Դա անընդհատ պրոցես է և բազում պետություններում այժմ գնում են նման գործընթացներ։ Այնպես որ, ասել՝ այս ժամանակ, այն ժամանակ, այս տարի, երկու տարվա մեջ, ճիշտ չի լինի։ Դա պրոցես է, դա աշխատանք է։ Տարիներ շարունակ աշխատում են Սփյուռքի մեր եղբայրները, մեր հետ միասին, տարիներ շարունակ», – նշեց ոստիկանապետը։