Vive La France. երգիչ–երգչուհիները շնորհակալություն են հայտնում Ֆրանսիային (տեսանյութ)

«Հայկական վեկտոր» մշակութային հիմնադրամը ՀՀ մշակույթի նախարարության աջակցությամբ ֆրանսիացիների հանդեպ շնորհակալական նախաձեռնությամբ է հանդես եկել և ստեղծել է «Vive La France»՝ (Կեցցե Ֆրանսիան) երգը, որը, ըստ կազմակերպիչների, կարող է նպաստել Հայաստանի և Ֆրանսիայի միջև առկա մշակութային կապերի ամրապնդմանը:

«Vive La France» երգի երաժշտության հեղինակը Արմեն Մարտիրոսյանն է, խոսքերի հեղինակը Տեր Բագրատ եպիսկոպոս Գալստյանը: Երգը կատարում են Ինգա և Անուշ Արշակյանները, Նունե Եսայանը, Ավո Խալաթյանը, Ֆորշը, Հասմիկ Կարապետյանը, Անդրեն, Զարուհի Բաբայանը, Ալլա Լևոնյանը, Արթուր Իսպիրյանը, Արթուր Հակոբյանը (Միսթր Իքս), Նարինե Դովլաթյանը, Էմմին, Էմմա Ասատրյանը:

Երգն առաջին անգամ հնչեց այսօր՝ ապրիլի 24-ին, որով ևս մեկ անգամ երգիչ–երգչուհիները հայերի անունից շնորհակալություն հայտնեցին Հայոց ցեղասպանությունը պետականորեն ընդունած Ֆրանսիային։