Ջենիֆեր Լոպեսը մերկացել է` իր նոր բուրմունքը գովազդելու համար

Աշխարհահռչակ երգչուհի և դերասանուհի Ջենիֆեր Լոպեսը (Jennifer Lopez) պատրաստվում է իր երկրպագուներին ուրախացնել նոր բուրմունքի թողարկմամբ։ «Glowing» բուրմունքը շատ շուտով վաճառքի կհանվի։ Իսկ մինչ այդ համացանցում են հայտնվել Ջենիֆերի մասնակցությամբ նոր բուրմունքի գովազդային արշավի որոշ լուսանկարները։

Նոր բուրմունքի անվանումն ընդգծելու համար Լոպեսը գովազդում հանդես է եկել իր ողջ հմայքով։ 42-ամյա երգչուհին նկարահանվել է մերկ վիճակում, ինչը Լոպեսի դեպքում միշտ էլ հաճելի է դիտել՝ չնայած որ վերջերս նա հայտարարել էր, որ փորձելու է առավելագույնս հեռու մնալ ԶԼՄ–ներից։

Այս մասին նա հայտարարել է լրագրողների հետ հանդիպմանը՝ ասելով. «Այժմ ինձ համար շատ դժվար է (Հ.՝ Մարկ Էնտոնիից բաժանվելու առումով), սակայն ես չեմ պատրաստվում տեղում դոփել։ Իսկ ԶԼՄ–ների հետ շփումը փորձում եմ առավելագույնս սահմանափակել։ Ինձ համար շատ կարևոր է կենտրոնանալ այն ծրագրերի վրա, որոնք ես որոշել եմ կյանքի կոչել»։