Միտ Ռոմնին հաղթանակ է տարել միանգամից հինգ նահանգներում կայացած փրայմերիզներում

ԱՄՆ նախագահական ընտրություններում նախագահի հանրապետական թեկնածուի հավակնորդ Միտ Ռոմնին հաղթանակ է տարել երեքշաբթի հինգ նահանգներում կայացած փրայմերիզներում, հաղորդում է Associated Press–ը։

Ռոմնին հաղթանակ է տարել Կոննեկտիկուտ, Ռոդ–Այլենդ, Դելիվեր, Փենսիլվանիա և Նյու Յորքում կայացած փրայմերիզներում։ Ապրիլի 24–ին ԱՄՆ նախագահի հանրապետական թեկնածուի համար պայքարող Ռոմնին, Ներկայացուցիչների պալատի նախկին խոսնակ Նյուտ Գինգրիչը և կոնգրեսական Ռոն Փոլը պայքարել են 209 պատվիրակների աջակցությունը ստանալու համար։ Դեռ հայտնի չէ` հինգ նահանգներում հաղթանակ տարած Ռոմնին քանի ձայն է ստացել։ Նախագահի հանրապետական թեկնածու ընտրվելու համար Ռոմնիին անհրաժեշտ է օգոստոսին կայանալիք Հանրապետական կուսակցության համաժողովում առնվազն 1144 պատվիրակների աջակցությունը։