«Ժողովուրդ». Սամվել Ալեքսանյանը դատի է տալիս «Ժողովուրդ»-ին

Ապրիլի 20-ին «Ժողովուրդ» օրաթերթը հրապարակել էր, որ Երևանի թիվ 190 դպրոցում Աժ պատգամավոր Սամվել Սլեքսանյանն ու Մալաթիա-Սեբաստիա վարչական շրջանի ղեկավար Դավիթ Օհանյանը ընտրակաշառք են բաժանել: Այս հրապարակումը հիմք ընդունելով Աժ պատգամավորի թեկնածու, ՀԱԿ անդամ Նիկոլ Փաշինյանը դիմել է թիվ 7 ընտրատարածքային ընտրական հանձնաժողով՝ Ալեքսանյանի գրանցումը չեղյալ հայտարարելու համար: Եվ ահա երեկ «ժողովուրդ» օրաթերթի խմբագրություն էր զանգահարել պատգամավորի թեկնածու Սամվել Ալեքսանյանը՝ հայտարարելու, որ պատրաստվում է «ժողովուրդ» օրաթերթին դատի տալ:

-Ես ձեզ դատի եմ տալու, որ իմ մասին սուտ-սուտ բաներ եք գրել: Ինչի՞ եք գրել, թե ես կաշառք եմ բաժանել: Տենց բան չկա, հերքե´ք:

-Այդ դեպքում ի՞նչ էիք անում ապրիլի 19-ին թիվ 190 դպրոցում:

-Հրավիրել էին «Երկու աստղ» միջոցառմանը մասնակցելու:

-Հենց այդ միջոցառումն էլ հիմք տվեց Նիկոլ Փաշինյանին՝ վիճարկելու Ձեր թեկնածության օրինականության հարցը: Ի՞նչը հերքենք:

-Մինչև էդ էլ Նիկոլ Փաշինյանը մեզ մեղադրում էր, որ իրան նույն կանայք, որ մեր կողմնակիցն են, հետապնդում են: Ես ասեմ՝ մարդիկ, որ երկար ժամանակ փախած են լինում, սկսում են տառապել мания преследования-ով (հետապնդման մանիայով):Չեմ զարմանա, որ մի քանի օր հետո մեր լավ ախպերը ասի, թե «Համլետի» հոր ուրվականը իրա հետևից ա ընկել: Նիկոլի ու իրա մարդկանց սարքած շանտաժները 30 վայրկյան են:

-Դուք վիրավորում եք Ձեր մրցակից թեկնածուին, բայց չեք ասում՝ որն է Ձեր հակափաստարկը ներկայացված մեղադրանքներին:

-Էդ ինչ կա, սաղ սուտ են, ի՞նչ փաստարկ, ա՛յ ազիզ ջան: Հիմա ինքը հասկացավ, որ կրվելու է, սկսել է փչացնել ամեն ինչ: Ուզում ա ընտրությունները հիմիկվանից հարամի: Վերջ:

«Ժողովուրդ»-ը նշել է, որ սպասում Է Սամվել Ալեքսանյանի ներկայացնելիք հայցին: