«Հրապարակ». «Կարուսել» կոչվող ընտրակեղծիքի տեսակը այս անգամ էլ կգործի

«Կարուսել» կոչվող ընտրակեղծիքի տեսակը, որի հեղինակային իրավունքը պատկանում է Ռոբերտ Քոչարյանի ռեժիմին, պարզվում է այս անգամ էլ են պատրաստվում կիրառել: «Հրապարակ»-ին հայտնի է դարձել, որ այս օրերին իշխող կուսակցության առաքյալները բանակցություններ են վարում Երևանի որոշ հանրակացարանների բնակիչների հետ: Նրանց խոստացել են ընտրակաշառքը տալ, երբ իրենք արդեն քվեարկված քվեաթերթիկը ստանալուց հետո կմտնեն քվեախցիկ և այնտեղից իրենց հետ դուրս կբերեն մաքուր քվեաթերթիկը: Թերթը նկատում է, որ սա ամենադժվար հայտնաբերվող ընտրակեղծիքն է: