Սերժ Սարգսյանի և Տիգրան Սարգսյանի ոչ կուսկացական գործունեության լուսաբանումը 20-30%-ով ավելացնում է ՀՀԿ եթերաժամանակը

Երեւանի մամուլի ակումբի նախագահ Բորիս Նավասարդյանն այսօր լրագրողների հետ հանդիպման ժամանակ ներկայացրեց ՀՀ 2012 թ. խորհրդարանական ընտրությունների լուսաբանման վերաբերյալ Հայաստանի հեռարձակվող ԶԼՄ-ների մշտադիտարկման միջանկյալ հաշվետվությունը (2012 թ. ապրիլի 8-17): Մշտադիտարկումն ընդգրկում է 7 համազգային հեռուստաալիք՝ Հ1, Շողակաթ, Արմենիա, Երկիր Մեդիա, Կենտրոն, Հ2, Շանթ և մեկ մայրաքաղաքային հեռուստաալիք՝ Արմնյուզը, ինչպես նաև Հայաստանի հանրային ռադիոն:

Մշտադիտրկման առարկա են դարձել այն նյութերը, որոնցում առկա էին խորհրդարանական ընտրություններին համամասնական ընտրակարգով մասնակցելու համար ԿԸՀ-ում գրանցված 9 քաղաքական կուսակցություններին և դաշինքնին վերաբերող անդրադարձեր: Հետազոտման ենթարկված հեռարձակվող ԶԼՄ-ները նշված տասնօրյակում հիմնականում ապահովել են ընտրություններին մասնկացող քաղաքական ուժերի համաչափ լուսաբանումը: Ութ կուսկացություններին և մեկ դաշինքին հիմնականում հավասար պայմաններ են տրամադրվել իրենց ծրագրեն ու հայացքները ընտրազանգվածին ներկայացնելու համար:

Թեև հեռարձակողները նախորդ ընտրությունների համեմատ անվիճելիորեն քայլ առաջ են գնացել, չի կարելի ասել, որ համանման առաջընթաց է եղել նաև քաղաքական գործիչների վարքում: Ինչպես նախկինում, վերջիններս ոչ միշտ են ԶԼՄ-ներին ժամանակին տեղեկացնում իրենց նախընտրական միջոցառումների մասին, երբեմն խուսափում են քաղաքական բանավեճերին, բանավեճային հաղորդումներին մասնակցելուց:

Ընտրություններին մասնակցող քաղաքական ուժերի նկատմամբ առավել շատ հետաքրքրություն են դրսևորել Արմնյուզը, Կետնրոնը և Երկիր Մեդիան: Հետազոտված մյուս հեռարձակվողների համեմատ ներքաղաքական իրավիճակը քիչ են լուսաբանել Հ1-ը, Արմենիան և Շանթը:

Քաղաքական ուժերի նկատմամբ ուշադրությունն առավել համաչափ է բաշխվել Հ2-ում, իսկ կուսակցություններին և դաշինքին հատկացված եթերաժամանակի առումով ամենաշատ տարբերություն արձանագրվել է Կենտրոնում, որտեղ Բարգավաճ Հայաստան կուսակցությունը, ինչպես և մշտադիրտարկման բոլոր նախորդ փուլերում, լուսաբանման ծավալով ճնշող առավելություն ուներ իր մրցակիցների նկատմամբ: Մի կուսկացության, տվյալ դեպքում՝ Հայ Յեղափոխական Դաշնակցության նույնպիսի առավեություն եղել է նաև Երկիր Մեդիա հեռուստաալիքում:

Կուսակցությունների առաջնորդների՝ ընտրարաշավի հետ կապ չունեցող  գործունեության լուսաբանման խնդիրը բավականին հրատապ է: Գլխավորապես այն վերաբերում է ՀՀԿ-ին, որի ցուցակի առաջին և երկրորդ համարներն են Սերժ Սարգսյանը և ՀՀ վարաչապետ Տիգրան Սարգսյանը: Նրանց ոչ կուսկացական գործունեության լուսաբանումը միջին հաշվով 20-30%-ով ավելացնում է ՀՀԿ եթերաժամանակը տարբեր ալիքներում: Դա նշանակում է, որ յուրաքանչյուր ալիքի երեկոյան եթերում նրանց ամեն օր միջին հաշվով 2-3 րոպե է հատկացվում:

Հետազոտված ալիքներից ոչ մեկը չի գերազանցել քաղաքական ուժերին անդրադարձների ընդհանուր թվում նշանային բնութագրիչով վեց տոկոսի ցուցանիշը: