Վլադիմիր Կարապետյանի պաստառները պատռում են. հայտարարություն
Հասարակություն
Թիվ 2 ընտրատարածքի պատգամավորության թեկնածու Վ. Կարապետյանի նախընտրական շտաբի անդամները, ապրիլի 24-ին շրջելով Նոր Նորքի 9-րդ զանգվածում, նկատել են, որ թթ. 55 եւ 26 շենքերի պատերի վրայից պատռվել Վ. Կարապետյանի քարոզչական լուսանկարները: Այդ մասին ասված է թեկնածուի շտաբի տարածած հաղորդագրությունում:
«Հարկ է նկատել, որ լուսանկարները փակցված էին այնպիսի բարձրության վրա, որ անհասանելի էին առանց համապատասխան սարքավորման, հետեւաբար, մրցակցի նկարների ոչնչացումը արվել է նախապես պատրաստվելով:
Թիվ 26 շենքում տեղակայված է Ս. Ֆարմանյանի նախընտրական շտաբը, որի ներկայացուցիչները պնդեցին, որ նման բան չեն արել, սակայն հրաժարվեցին ստանձնել պատասխանատվություն իրենց իսկ շենքում արված բարբարոսական արարքների կապակցությամբ:
ՀՀԿ ներկայացուցիչ Ս. Ֆարմանյանի կողմից' իր նախընտրական շտաբի հարեւանությամբ իր մրցակցի նկարների ոչնչացման փաստի դատապարտման բացակայության դեպքում Վ. Կարապետյանի նախընտրական շտաբը կհամարի, որ նման գործողությունները ուղղորդվում են անձամբ Ս. Ֆարմանյանի կողմից»,- ասված է հաղորդագրությունում:
ՈՒՂԻՂ ԵԹԵՐ
Ամենադիտված 
Այնթափի դպրոցը սգում է աշակերտուհու մահը
