Եվս 4 ինքնաբացարկ

Այսօրվա արտահերթ նիստի շրջանակներում ՀՀ կենտրոնական ընտրական հանձնաժողովը նիստի մասնակիցներին է ներկայացրել համացանցով էլեկտրոնային քվեարկության իրականացման եղանակն ու ժամկետները (http://res.elections.am/images/doc/e_voting.pdf):

ՀՀ կենտրոնական ընտրական հանձնաժողովն այսօրվա արտահերթ նիստում կայացրել է որոշում՝ 2012թ. մայիսի 6-ի Ազգային Ժողովի ընտրություններին դիտորդական առաքելություն իրականացնելու նպատակով հրավիրել «Ազատության և ժողովրդավարության նախաձեռնությունների աջակցություն» (ՍԻԼԲԱ) օտարերկրյա հասարակական կազմակերպությանը:

Նիստում ՀՀ կենտրոնական ընտրական հանձնաժողովն ուժը կորցրած է ճանաչել Ազգային ժողովի մեծամասնական ընտրակարգով գրանցված պատգամավորի թեկնածուներ Գագիկ Պետրոսյանի (թիվ 8 ընտրատարածք), Թոռնիկ Գևորգյանի (թիվ 19 ընտրատարածք), Ռոման Խաչատրյանի (թիվ 24 ընտրատարածք) և Մանուկ Վարդանյանի (թիվ 25 ընտրատարածք) գրանցումները՝ հաշվի առնելով վերջիններիս կողմից ներկայացրած ինքնաբացարկի մասին դիմումները՝ վավերացված նոտարական կարգով:

Նպատակ ունենալով բացառել ՀՀ ընտրական օրենսգրքի 54-րդ հոդվածի 2-րդ մասի և 61-րդ հոդվածի տարաբնույթ ընկալումը՝ կենտրոնական ընտրական հանձնաժողովը ներկայացրել է պարզաբանում' շրջիկ արկղի միջոցով կազմակերպվող քվեարկությանը ներկա լինելու իրավունք ունեցող անձանց վերաբերյալ:

Քննարկվել են նաև «Իրավունքի Եվրոպա Միավորում» իրավապաշտպան հասարակական կազմակերպության նախագահի և թիվ 12 ընտրատարածքում մեծամասնական ընտրակարգով պատգամավորի թեկնածու Լյովա Խաչատրյանի լիազոր անձի դիմումները, ինչպես նաև՝ թիվ 19 ընտրատարածքում մեծամասնական ընտրակարգով պատգամավորի թեկնածու Հակոբ Ռաֆիկի Հակոբյանի հայտարարությունները:

Քննարկում

ՀՀ կենտրոնական ընտրական հանձնաժողովի նախագահ Տիգրան Մուկուչյանը ս.թ. ապրիլի 27-ին՝ ժամը 14.00-ին, ընտրական գործընթացներով հետաքրքրված հասարակական կազմակերպությունների ներկայացուցիչներին հրավիրում է բաց քննարկման, որը տեղի կունենա ՀՀ կենտրոնական ընտրական հանձնաժողովի վարչական շենքում (Գ. Քոչար 21 ա):

Քննարկման ընթացքում մասնակիցները հնարավորություն կունենան ներկայացնեու ընտրական գործընթացներին վերաբերող իրենց հարցադրումները:

Այս մասին հայտնում է ԿԸՀ մամլո ծառայությունը։