«Չորրորդ ինքնիշխանություն». Նախընտրական հավաք ՌԴ-ից ու ԱՄՆ-ից ժամանած քրեական հեղինակությունների ու որոշ բարձրաստիճան զինվորականների միջև

Երեկ ՀՀ որոշ իշխանավորների բարձր հովանու ներքո Ծաղկաձոր քաղաքի բարձրակարգ հյուրանոցներից մեկում կերուխումի մակարդակով հանդիպում է տեղի ունեցել ՌԴ-ից ու ԱՄՆ-ից ժամանած քրեական հեղինակությունների ու որոշ բարձրաստիճան զինվորականների միջև: Հավաքույթի մասնակիցների խոսք ու զրույցի հիմնական թեման, բացի ապարանցիների մասին հետաքրքրաշարժ անեկդոտներ պատմելը, եղել են նաև առաջիկա խորհրդարանական ու գալիք նախագահական ընտրությունները, որի հետ կապված հրավիրյալ կաղմը ասել է իր խոսքը: Սակայն հանդիպման ընթացքում փոքր-ինչ լարված մթնոլորտում նախատեսված սցենարից դուրս հարց ու պատասխան է գնացել բավականին ազդեցիկ պաշտոնյաներից մեկի ու ՌԴ-ից ժամանած քրեական հեղինակության միջև, որը ներկաներին ուղիղ տեքստով ասել է.

«Մենք մաքուր կյանքով ապրող տղերք ենք ու պետք չի մի ձեն էս կողմ էն կողմ լինելու խաթր մեր հայ ժողովրդի մեջ անջրպետ առաջացնենք ու սկսենք մեր ազգի հետ «բազարներ» անել ու հետն էլ մամուլի «բերանը» ընկնել»:

Քրեական հեղինակության մտահոգություններին ի պատասխան ՀՀ-ում գտնվող քրեական հեղինակություններից մի զգալի մասին կուռացիա անոռ բարձրաստիճան պաշտոնյան էլ վրա է եկել.

«Չի իմացվի, թե մինչև ըետրությունների վերջին օրը խաղաքարտերը ինչպես կխառնվեն և ինչի անհրաժեշտություն կզգացվի այդ օրերին: Իսկ մամուլի մասին էլ էդքան դարդ մի արեք, լուծվող հարցեր են, բերանները կփակենք, կանցնենք առաջ», ասել է սույն պագոնավորը ու իր ենթականերից մեկին հրահանգել է ներս բերել տղաների համար հատուկ պատվիրված նվերները՝ Աստվածաշնչի տեսքով, որոնք տեղադրված են եղել հատուկ նախշազարդերով պատրաստված փայտե պատյանների մեջ: Դե լավ է, որ մերօրյա բիրդանները գոնե էդքանը իմացել են, որ քրեական հեղինակությունների համար ներքևում ճիշտն է, վերևում՝ Աստվածը: Գոնե այդ տեսանկյունից մի քանի բան էլ դուք սովորեք...