Եգիպտոսի նախկին վարչապետի թեկնածությունը նախագահական ընտրություններին վերականգնվել է

Եգիպտոսի Կենտրոնական ընտրական հանձնաժողովը վերականգնել է Եգիպտոսի նախկին վարչապետ Ահմեդ Շաֆիկի թեկնածությունը երկրում կայանալիք նախագահական ընտրություններին, հաղորդում է BBC-ն:

Նախօրեին Շաֆիկը դուրս էր բերվել երկրի ղեկավարի թեկնածուների ցուցակից: Իշխանություններն իրենց գործողությունները հիմնավորել էին Քաղաքական մեկուսացման մասին օրենքի կիրառմամբ:

Տվյալ օրենքը, մասնավորապես, արգելում է այն անձանց, որոնք Հուսնի Մուբարաքի կառավարման տարիներին 5 տարի շարունակ զբաղեցրել են ղեկավար պաշտոններ, մասնակցել երկրում նախագահական ընտրություններին, զբաղեցնել նախարարի պաշտոն և այլն:

Շաֆիկի թեկնածության վերականգնումից հետո թեկնածուների թիվն այժմ 13-ն է: Ընտրությունները տեղի կունենան մայիսի 23-ին: