Էրդողանը կառավարություն կազմելու պարտականությունը հանձնել է Դավութօղլուին

Թուրքական T24 առցանց թերթի փոխանցմամբ՝ Թուրքիայի նախագահ Ռեջեփ Էրդողանն այսօր ընդունել է երկրի վարչապետ Ահմեդ Դավութօղլուին։ Հանդիպման ժամանակ Էրդողանը Դավութօղլուին հանձնարարել է ձևավորել Թուրքիայի 64-րդ կառավարությունը։

Դավութօղլուն պետք է նոր կառավարության կազմն Էրդողանին ներկայացնի 45 օրվա ընթացքում։ Չնայած դրան՝ ակնկալվում է, որ Դավութօղլուն Թուրքիայի նոր կառավարության անդամներին Էրդողանին կներկայացնի արդեն հինգշաբթի՝ երկու օր անց։