Օբաման Կոնգրեսին առաջարկել է Ադրբեջանում նոր դեսպանի թեկնածությունը

Բարաք Օբաման ԱՄՆ Կոնգրեսին ներկայացրել է Եվրասիայում էներգետիկ հարցերով ԱՄՆ Պետդեպարտամենտի հատուկ դեսպանորդ  Ռիչարդ Մորնինգստարի թեկնածությունը՝ որպես Ադրբեջանում ԱՄՆ դեսպան, հաղորդում է 1news.az–ը։ 

Ռուսաստանում ԱՄՆ դեսպան Մայքլ Մաքֆոլը Twitter–ի իր էջում գրել է, որ «դա հիանալի ընտրություն է»։

Ռիչարդ Մորնինգստարը մասնագիտությամբ իրավաբան է և իր կարիերան սկսել է Peabody & Brown իրավաբանական ընկերությունից։ ԱՄՆ–ի Պետդեպի Եվրասիայի էներգետիկ հարցերով հատուկ դեսպանորդ նշանակվել է 2009 թվականին։