ԵԱՀԿ Մինսկի խմբի համանախագահները անհանգստացած են շփման գծում փոխհրաձգության կապակցությամբ

ԵԱՀԿ Մինսկի խմբի համանախագահներ, դեսպաններ Ռոբերտ Բրատկեն (ԱՄՆ), Իգոր Պոպովը (Ռուսաստան) և Ժակ Ֆիորը (Ֆրանսիա) հանդես են եկել համատեղ հայտարարությամբ, այս մասին նշվում է կազմակերպության կայքում։

«ԵԱՀԿ Մինսկի խմբի համանախագահները խորապես անհանգստացած են՝ հայ-ադրբեջանական սահմանների երկարությամբ և շփման գծում՝ հրադադարի ռեժիմի մի շարք խախտումների, ինչպես նաև զոհվածների թվի ու վիրավորների մասին վերջերս տարածված հայտարարությունների կապակցությամբ։ Նման դեպքերը խախտում է կողմերի՝ ուժ օգտագործելուց ձեռնպահ մնալու, ԼՂ հակամարտության խաղաղ ճանապարհով կարգավորելու պայմանավորվածությունը և հակասում են՝ Ադրբեջանի, Ռուսաստանի և Հայաստանի նախագահների 2012–ի հունվարի 23-ի հայտարարության ոգուն»,- ասվում է համանախագահների հայտարարության մեջ։

Համանախագահները վճռականորեն քննադատում են ցանկացած զոհերը և կրկին հայտարարում են, որ հակամարտությունը չունի այլընտրանքային լուծում, նշվում է հայտարարության մեջ։

«Համանախագահները կոչ են անում բոլոր կողմերին՝ հարգել հրադադադրի մասին 1994–ի պայմանագիրը և ձեռնպահ մնալ պատասխան միջոցառումներից, որոնք կարող են բերել հետագա լարվածության»,- ասվում է հայտարարության մեջ։