Ահարոն Ադիբեկյանի «փառքն» էլ մարեց

Սոցիոլոգ Ահարոն Ադիբեկյանի «փառքն» էլ մարեց: Ժամանակին այնքան իշխանահաճո «հետազոտություններ» ներկայացրեց հանրությանը, որ այսօր արդեն մարդն ասուլիս է տալիս, և ասուլիսին գալիս է ընդամենը 3 լրագրող, այն էլ՝ ուշացումով: Ընդ որում՝ հետաքրքիրն այն է, որ այս անգամ Ադիբեկյանի ներկայացրած հարցման արդյունքներն ամենևին էլ իշխանահաճո չէին, ընդհակառակը՝ դրանք ցույց էին տալիս, որ հարցվածների 40 տոկոսը նույնիսկ հանրաքավեի օրը չգիտի, 10-ից 4-ն էլ չգիտեն, թե ընդհանրապես ինչի համար են քվեարկելու, Երևանում էլ 1 «Այո»-ին հասնում է 4 «Ոչ»: Որոշ մարզերում կարող է այլ պատկեր լինել. դա էլ է սոցիոլոգը հիմնավորում, որովհետև որոշ համայնքներում պետական աշխատողները շատ են: Մի խոսքով՝ Ադիբեկյանի այս անգամվա հետազոտությունը, եթե նույնիսկ նկարչություն է, ապա գոնե մտածված նկարչություն է՝ իրականությանը մոտեցրած: Բայց արի ու տես, որ հիմա էլ նրան լսող չկա...

Պատահական չեն ասում, որ ավելի լավ է մարդու աչքը դուրս գա, բայց անունը դուրս չգա:

Կարեն Վարդանյան