ԱՄՆ և Մեքսիկայի ափերի մոտ 3 մարդ է մահացել՝ առագաստանավերի մրցույթի ժամանակ

Զբոսանավերի միջազգային մրցարշավին մասնակցող առագաստանավերից մեկի անձնակազմի անդամներից 3-ը գտնվել են մահացած, իսկ 4-րդը համարվում է անհետ կորած այն բանից հետո, երբ նավը կորել է ռադարների էկրաններից և բախվել առափնյա ժայռերին։ ԱՄն ծովափնյա պահպանության ավագ սպա Հենրի Դանֆին հայտնել է, որ փրկարարները շարունակում են որոնողա–փրկարարական աշխատանքները՝ անձնակազմի 4-րդ անդամին գտնելու համար։

«Էգեյացի» անվանումը կրող առագաստանավը մասնակցում էր զբոսանավերի միջազգային մրցույթին, որի երթուղին ձգվում էր Նյուպորտից Էնսենադներ։ Ներկայումս կատարվում է հետաքննություն։