Քաշքշուկ և ծեծկռտուք Մաշտոցի պուրակում

Վիճակը Մաշտոցի պուրակում չափազանց թեժ է: Լուրեր.com-ի թղթակիցը հայտնում է, որ արդեն բախումներ են տեղի ունենում բնապահպան ակտիվիստների և ոստիկանների միջև: Բնապահպան ակտիվիստներից մեկի՝ Բայանդուր Պողոսյանի, ով կրպակների կառուցման դեմ հացադուլ էր հայտարարել, ինքնազգացողությունը վատացել էր։ Նրան փորձեցին տեղափոխել հիվանդանոց, սակայն այդ ընթացքում նրա վիճակը բարելավել է: Անկախ սեռից ոստիկանները բռնի գործողություններ են իրականացնում բնապահպանների նկատմամբ: Բախումները ակտիվիստների և ոստիկանների միջև շարունակվում են:

Խոչընդոտվել է նաև լրագրողների տեղեկատվական ազատությունը: Ոստիկանները վրանի շուրջ նստած բնապահպաններից շատերին քաշքշելով հեռացրեցին տարածից, բայց դեռ 7 բնապահպան դեռևս նստած է վրանի մոտ՝ պաշտպանելով տարածքը:

Քիչ առաջ Լուրեր.com-ի թղթակիցը հայտնեց, որ պուրակում հարաբերական խաղաղություն է հաստատվել։ Բնապահպաններից շատերը թեթև վնասվածքներ են ստացել: