Խոշոր ՃՏՊ Հնդկաստանում. զոհվել է 20 մարդ

Այսօր՝ ապրիլի 29-ին, Հնդկաստանում խոշոր ճանապարհատրանսպորտային պատահարի հետևանքով զոհվել է 20 մարդ, իսկ ևս 25-ը ստացել ծանր մարմնական վնասվածքներ։ Պատահարը տեղի է ունեցել երկու ավտոբուսների բախման հետևանքով, հայտնում է Associated press գործակալությունը։

Այս ողբերգական պատահարը տեղի է ունեցել Ուտտար–Պրադեշ նահանգում՝ Գորակխպուր քաղաքի մոտակայքում։

Իշխանությունների կանխատեսմամբ՝ պատահարի հետևանքով զոհերի թիվը հնարավոր է աճի, քանի որ վիրավորներից մի քանիսը գտնվում են ծանր վիճակում։