Քըլըչդարօղլուն Թուրքիան կիսաբաց բանտի է նմանեցրել

Թուրքիայի ընդդիմադիր քեմալական Հանրապետական ժողովրդական կուսակցության առաջանորդ Քեմալ Քըլըչդարօղլուն այցելել է թուրքական «Ջումհուրիեթ» պարբերականի երկու բանտարկված լրագրողներին՝ Ջան Դյունդարին և Էրդեմ Գյուլին: Ինչպես հաղորդում է «Արմենպրես»-ը, այս մասին տեղեկացնում է թուրքական «Հուրիեթ» պարբերականը:

Այցելությունից հետո լրագրողների հետ զրույցում Քըլըչդարօղլուն հիշեցրել է, որ թուրքական բանտերում ներկայում ազատազրկված է 32 լրագրող, ինչն անընդունելի է. լրագրողները պետք է անհապաղ ազատ արձակվեն:

«Վստահ եղեք, որ շատ քիչ է տարբերությունը Թուրքիայում բանտի ներսում կամ դրսում լինելու մեջ: Երկիրը կիսաբաց բանտի է վերածվել: Մարդու իրավունքները խախտվում են, ժողովրդավարությունն առկախված է: Բազմիցս եմ ասել, որ այս ձերբակալությունները ժողովրդավարական ամոթ են: 21-րդ դարի Թուրքիայում 32 լրագրողի բանտում գտնվելը ամենամեծ խայտառակություններից մեկն է: Թուրքիան համաշխարհային օրակարգում է հայտնվում ձերբակալված լրագրողների թեմայով: Այս իրավիճակն անընդունելի է: Մենք դա սխալ ենք համարում ու պահանջում ենք 32-ին էլ ազատ արձակվել»,- ասել է թուրքական ընդդիմության առաջնորդը:

Թուրքական «Ջումհուրիեթ» թերթի գլխավոր խմբագիր Ջան Դյունդարին և այդ նույն թերթի Անկարայի թղթակից Էրդեմ Գյուլին ձերբակալել են «Իսլամական պետության» ահաբեկիչներին Թուրքիայի ազգային հետախուզական ծառայությանը պատկանող բեռնատաներով զենք մատակարարելու մասին նյութ հրապարակելու համար: Լ րագրողներին մեղադրում են ահաբեկչական կազմակերպությանը ներգրավվածության և լրտեսության համար: