Ոչ մի ձայն չտալ ՀՀԿ-ին, ԲՀԿ-ին, ՕԵԿ-ին. «Նոր ժամանակներ» կուսակցություն

«Նոր ժամանակներ» կուսակցության մամլո ծառայությունը տարածել է հաղորդագրություն, որում ժողովի մասնակիցներն իրենց ելույթներում վերահաստատում են, որ մայիսի 6-ին պետք է գնալ ընտրության և կոչ անել մեր հայրենակիցներին ոչ մի ձայն չտալ իշխող կոալիցիայի բոլոր քաղաքական ուժերին (ՀՀԿ, ԲՀԿ, ՕԵԿ):

«Սույն թվականի ապրիլի 29-ին ժամը 14:00-ին «Կոնգրես» հյուրանոցում տեղի ունեցավ «Նոր Ժամանակներ» կուսակցության ակտիվի հերթական ժողովը:

Քննարկման գլխավոր թեման մայիսի 6-ին կայանալիք խորհրդա¬րանական ընտրություններին մասնակցող քաղաքական ուժերի հանդեպ ՆԺԿ դիրքորոշման հարցն էր:

Կուսակցության առաջնորդ Արամ Կարապետյանը հավաքի մասնակիցներին ներկայացրեց 2012թ. մարտի 18-ի ակտիվի ժողովից հետո Հայաստանում և նրա շուրջ ընթացող քաղաքական պրոցեսների ողջ տրամաբանությունը: Նրա համոզմամբ ընտրություններին մասնակցող կուսակցությունների և դաշինքների նախընտրական քարոզչությունը ավելի տեսանելի դարձրեց Հայաստանի առջև կանգնած մարտա¬հրավերների տիրույթում այս թատերականացված միջոցառման ողջ սնանկությունը:

Ժողովի մասնակիցներն իրենց ելույթներում վերահաստատեցին, որ մայիսի 6-ին պետք է գնալ ընտրության և կոչ անել մեր հայրենակիցներին ոչ մի ձայն չտալ իշխող կոալիցիայի բոլոր քաղաքական ուժերին (ՀՀԿ, ԲՀԿ, ՕԵԿ):

Ակտիվի ժողովն այդ հարցի հետ կապված առաջարկեց ՆԺԿ վարչությանը հանդես գալ քաղաքական հայտարարությամբ», ասված է հաղորդագրության մեջ: