Ո՞ր ընտրությունների, որի ելքը կանխատեսված է. Գարեգին Չուգասզյանը (տեսանյութ)

Ապրիլի 29-ին Մաշտոցի պուրակի ապամոնտաժող բրիգադին էր միացել նաև Սարդարապատ շարժման անդամ Գարեգին Չուգասզյանը։ Լուրեր.com–ի թղթակիցը, ապամոնտաժման փորձի նախապատրաստման ընթացքում, հետաքրքրվեց նրանից, թե որքանով է նպատակահարմար նման քաղաքացիական շարժումներն ակտիվացնել համապետական ընտրությունների նախօրեին։

«Ո՞ր ընտրությունների, որի ելքը կանխատեսված է», – տարակուսանք հայտնեց վերջինս։

Պատասխանելով այն հարցին, թե չի կարծում արդյոք նա, որ այս շարժումը կիսում է,  նաև՝ քաղաքականապես ակտիվ քաղաքացիական հասարակությունը երկու ճամբարների, Չուգասզյանը նշեց. «Բացարձակապես, ոչ մի բան էլ չի կիսում»։

Իսկ դիտարկմանը, թե, այնուամենայնիվ, ճիշտ չէ՞ր լինի ընտրություններից հետո վերսկսել կրպակների ապամոնտաժման աշխատանքները, նա պատասխանեց, որ «ամեն մարդ ինքն է որոշում իր արարքները»։