Իրանն իր ամբողջ ուժով կարող է դիմակայել ռազմական ագրեսիային

«Իրանը կարող է ցանկացած ռազմական ագրեսիային պատասխանել իր ամբողջ ուժով», – այսօր հայտարարել է Իրանի հոգևոր առաջնորդ Այաթոլլա Ալի Խամենեին։ 

«Թշնամիները՝ մասնավորապես Ամերիկան և սիոնիստական ​​ռեժիմի նրա դաշնակիցները պետք է իմանան, որ Իրանը սովորություն չունի ներխուժել որևէ երկրի տարածք։ Բայց մենք պատրաստ ենք արձագանքել ցանկացած  ռազմական ագրեսիայի կամ նույնիսկ սպառնալիքների», - նշված է հոգևոր առաջնորդի պաշտոնական կայքէջում։ Նա խոստացել է, որ Իսլամական հանրապետության հեղափոխական գվարդիան ու բանակը միասնական են և ի վիճակի են հակահարված տալ ցանկացած թշնամու։ Հաղորդում է "BBC" լրատվականը։

Հիշեցնենք, որ ավելի վաղ Ատոմային էներգիայի միջազգային գործակալությունը հայտարարել էր, որ պաշտոնական Թեհրանը շարունակում է միջուկային զենքի ստեղծման իր ծրագիրը։