Բոլիվիան ազգայնացնում է իսպանական ընկերությունը

Բոլիվիայի նախագահ Էվո Մորալեսը հայտարարել է իսպանական «Red Electrica» էներգետիկ ընկերության տեղական բաժանմունքի ազգայնացման մասին։

Մորալեսը հրամայել է զինվորականներին իրենց տիրապետության տակ վերցնել ընկերությանը պատկանող օբյեկտները։

Մայիսի 1-ին նվիրված հանրահավաքում ունեցած ելույթի ժամանակ նա ասել է, որ էներգետիկական ընկերության ազգայնացումը հանդիսանում է բոլիվիացիների՝ իրենց բնական հարստությունները վերադարձնելուն ուղղված պայքարի մի մասը։

Հիշեցնենք, որ ընդամենը մի քանի շաբաթ առաջ Արգենտինան ազգայնացրել էր Իսպանիային պատկանող «YPF» նավթային ընկերությունը։