«Հրապարակ». Սարիբեկ Սուքիասյանի համար աշխատում է նաև ԲՀԿ–ն
Հայկական Մամուլ
«Հրապարակ» Կենտրոնի բնակիչներն օրերս նկատել են, որ Կենտրոնի թիվ 10 ընտրատարածքում առաջադրված ՀՀԿ թեկնածու Գարեգին Նուշիկյանի շտաբից տոպրակները ձեռքներին երիտասարդներ են դուրս գալիս:
«Ենթադրելով, որ ընտրակաշառք է բաժանվում երեկ թերթի թղթակիցը զանգահարել է պատգամավորության թեկնածուին՝ պարզելու, թե այդ ինչ տոպրակներ են բաժանում իր շտաբում:
«էդ տոպրակները բուկլետներն են ու ծրագրերը, որ տանում ու բաժանում են մարդկանց»,-հայտարարեց Գ. Նուշիկյանը՝ վստահեցնելով, որ ուրիշ բան չկա տոպրակներում:
«Կարող եք գալ շտաբ ու տոպրակները տեսնել», -առաջարկել է թեկնածուն:
Թերթը նշում է նաև, որ այս ընտրատարածքում ամենաթեժ մրցապայքարն է ծավալվել՝ պայքարում է իշխանության ամենաընդունելի թեկնածուն՝ Գարեգին Նուշիկյանը, ընդդիմության ամենաընդունելի թեկնածուի՝ Սարիբեկ Սուքիասյանի դեմ: Եվ բնական է, որ Հայ ազգային կոնգրեսն էլ, Հանրապետականն էլ մոբիլիզացրել են իրենց ուժերը: Ըստ թերթի տեղեկությունների այս ընտրատածքում ընդդիմությանն աջակցում է նաև իշխանական մի թևը, որի հետ ՀԱԿ-ը համագործակցում է, իսկ ՀՀԿ-ն խնդիրներ ունի։ Այդ տեղեկությունների համաձայն, Սուքիասյանի համար է աշխատում նաև «Բարգավաճ Հայաստանը»:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
