«Հրապարակ». Նախընտրական ծրագրերը երկու ընդհանուր բան ունեն, դրանք բոլորն էլ լավն են և հիմնականում չեն իրագործվելու
Հայկական Մամուլ
Ընտրություններին մասնակից բոլոր քաղաքական ուժերը և անհատ պատգամավորության թեկնածուները քարոզարշավի ողջ ընթացքում ընտրողներին ներկայացնում են իրենց նախընտրական ծրագրերը, որոնք ոչ այլ ինչ են, քան ընտրողներին տրվող խոստումներ:
Խոստումները ընդհանրապես, իսկ նախընտրական խոստումները մասնավորապես, սովորաբար երեք ելք են ունենում, կամ դրանք կատարվում են լրիվ, կամ՝ մասնակի, կամ էլ ընդհանրապես չեն կատարվում:
Հայաստանում վերջին 20 և ավելի տարիներին կայացած ընտրությունները միջին հաշվով ցույց են տվել մի բան. կամ նախընտրական խոստումները չեն կատարվում, կամ կատարվում են չափազանց մասնակի: Եթե ավելի ճշգրիտ ձևակերպենք՝ նախընտրական խոստումները հիմնականում մնացել են «ձայն բարբառո հանապատի»:
Եվ այսպես, մայիսի 6-ին մեր ժողովուրդը պետք է դեմ առնի հերթական փորձությանը, որի ընթացքում ճիշտ կողմնորոշվելու միակ ուղեցույցը լինելու են քաղաքական ուժերի և անհատ թեկնածուների նախընտրական ծրագրերը:
Այդ բոլոր ծրագրերը երկու ընդհանուր բան ունեն, դրանք բոլորն էլ լավն են և հիմնականում չեն իրագործվելու:
Ուստի իզուր են այս բոլոր նախընտրական քարոզարշավները, նախընտրական ծախսերը, քանզի դրանք իրականում ընտրողին որևէ կերպ կողմնորոշվելու հնարավորություն չեն տալիս:
ՈՒՂԻՂ ԵԹԵՐ
Ամենադիտված 
Դերասանին մեղադրում են մանկապղծության մեջ․ նա ձերբակալվել է
