Ինչո՞ւ պետք է միանանաք, մենք մեր հանրահավաքն ենք անում. Նաիրա Զոհրաբյան

«Ոչ, ինչո՞ւ պետք է միանանաք, մենք մեր հանրահավաքն ենք անում, մեր երթն ենք անում», - Լուրեր.com-ի հետ զրույցում ասաց ԲՀԿ-ական պատգամավոր Նաիրա Զոհրաբյանը` պատասխանելով այն հարցին, թե հնարավո՞ր է, որ այսօր կայանալիք իրենց հանրահավաքից հետո իրենք միանան Ազատության հրապարակում ՀԱԿ-ի հանրահավաքին:

«Մեր երթուղին ուրիշ է, իրենցը ուրիշ է, որքան ես տեղյակ եմ: Բացարձակապես մեկը մյուսի հետ կապ չունի», - նշեց Նաիրա Զոհրաբյանը: 

Հիշեցնենք, որ այսօր տեղի են ունենալու ՀԱԿ-ի, ԲՀԿ-ի, «Ժառանգություն» կուսակցության հանրահավաքները: ԲՀԿ հանրահավաքը նախատեսված է ժամը 17.00-ին՝ Մատենադարանին հարող տարածքում, ՀԱԿ հանրահավաքը՝ ժամը 19.00-ին՝ Ազատության հրապարակում: ԱԺ «Ժառանգության» խմբակցությունն էլ իր քարոզարշավի եզրափակումը կանցկացնի ժամը 19:00-ին՝ Շառլ Ազնավուրի անվան հրապարակում։