Մակքեյնը կոչ է արել «քամու ուղղությունը» Ռուսաստանի կողմից դեպի Ուկրաինա և Բելառուս ուղղել

ԱՄՆ սենատոր Ջոն Մակքեյնը հայտարարել է, որ իր կարծիքով` արաբական հեղափոխությունների` Ռուսաստանի կողմը եկող «քամու ուղղությունը» փոխվել է դեպի Ուկրաինայի և Բելառուսի կողմը, հաղորդում է France-Presse–ը։

«Վլադիմիր Պուտինը վերադարձավ նախագահի պաշտոնին, և հնարավոր է, որ հեղափոխությունների քամու ուղղությունը փոխվի Ուկրաինայի և Բելառուսի կողմը։ Ինչպես Ռուսաստանում, այնպես էլ ամբողջ աշխարհում վերջին չորս տարիների ընթացքում շատ բան է փոխվել։ Ես ի սկզբանե վստահ էի, որ «Արաբական գարնան» ալիքի՝ ազատության և արդարության համար ճիչը չի սահմանափակվի միայն արաբական հեղափոխություններով», – հայտարարել է ամերիկացի սենատորը Վիլնյուսի համալսարանում՝ հիշեցնելով դեկտեմբերին Ռուսաստանում ընդդիմության ցույցերը։  

Մակքեյնը նաև ԱՄՆ–ին և ԵՄ–ին կոչ է արել չթուլացնել ճնշումները պաշտոնական Կիևի և Մինսկի նկատմամբ, որոնց Արևմուտքը քննադատում է ընդդիմադիր գործիչների նկատմամբ բնռաճնշումները չդադարեցնելու համար։