Միասնական շտաբում պայմանավորվել ենք չորս գլխավոր ուղղությունների շուրջ. Լևոն Զուրաբյան

ՀԱԿ համակարգող Լևոն Զուրաբյանն այսօր միասնական շտաբի հերթական նիստի ժամանակ ներկայացրեց ընտրությունների օրը Հանրային վերահսկողության միջկուսակցական միասնական ընտրական շտաբի աշխատանքների մասին:

«Լինելով 9-րդ ընտրատարածքում առաջադրված պատգամավորության թեկնածու՝ ես բազմաթիվ հանդիպումներ եմ ունենում, որոնցից կարող եմ այն հստակ եզրակացությունն անել, որ ժողովուրդը պատրաստ է մասնակցել քվեարկությանը: Բոլորն ասում են՝ մենք գալիս ենք, քվեարկում ենք, սակայն մյուս օրը հրապարակվում են արդյունքներ, որոնք կապ չունեն մեր կարծիքի հետ: Մարդկանց մոտ հույս արթնացողը միասնական շտաբն է, և բոլորը հասկանում են մի բան՝ եթե բոլոր ընտրատեղամասերում ՀՅԴ-ի, ԲՀԿ-ի և ՀԱԿ-ի ներկայացուցիչները համագործակցեն իրար հետ, այդ դեպքում հնարավոր կլինի բռնել ընտակեղծարարի ձեռքը: Տեղամասերում վերջապես պետք է օրինական գործընթաց հաստատվի, հաշվարկը պետք է ճիշտ լինի, հարկավոր է այնպես անել, որ բաց քվերակություն ոչ մի դեպքում չլինի, չլինեն նկարահանումներ և այլն:

Այս բոլոր հարցերի քննարակումների արդյունքում մենք պայմանավորվել ենք չորս գլխավոր ուղղությունների շուրջ:

Առաջինն այն է, որ ԲՀԿ-ն, ՀՅԴ-ն և ՀԱԿ-ը հստակ ցուցումներ են տալու իրենց բոլոր մասնակիցներին, վստահված անձանց, հանձնաժողովների անդամներին, այս ուժերի ներկայացուցիչները համագործակցելու են միմյանց հետ, ինչը նշանակում է, որ բոլոր ընտրատեղամասերում կունենանք հինգ-վեց հոգի, որոնք ամեն ինչ կանեն ընտակեղծիքներ թույլ չտալու համար:

Երկրորդն այն է, որ պայմանավորվել ենք ստեղծել համատեղ մոբիլ խմբեր, որոնցում մեկական ներկայացուցիչ կլինի բոլոր ուժերի կողմից: Այդ խմբերին կմիանան լրագրողները, փաստաբանները, եթե ցանկանան՝ նաև դիտորդները, և դրա նպատակը լինելու է արձագանքել խախտումների մասին բոլոր տեղեկություններին և անմիջապես հայտնվել տեղում՝ անհրաժեշտ միջոցառումներ ձեռնարկելու համար:

Երրորդն այն է, որ ՀԱԿ-ը ՍԴ-ի հետ մեծ հույսեր չի կապում, քանի որ վերջինս ապացուցել է, որ մշտապես պահում է ռեժիմի գիծը: Որոշել ենք վարել միասնական ռեգիստր, այսինքն մեր նեկայացուցիչները բոլոր ընտրատեղամասերում իրենց ցուցակներում կնշեն, թե ով է եկել տեղամաս: Սա արվում է նրա համար, որ, ի վերջո, եթե պետությունն այդ ցուցակները գաղտնի է պահում, մենք բացահայտենք այդ գաղտնիքը, բայց նաև անում ենք, որ հետագայում իրապես ստուգենք, թե ով է եկել, ով է ապօրինաբար քվերակել, և հասնելու ենք նրան, որ նմանները քրեական պատասխանատվության ենթարկվեն:

Չորրորդը՝ մենք պայմանավորվել ենք վարել քվեարկության մասնակիցների ալտերնատիվ հաշվարկ, այսինքն` երեք ժամը մեկ միասնական շտաբը կունենա իր տվյալները, թե որքան մարդ է մասնակցել ընտրություններին:», - նշեց Լևոն Զուրաբյանը: