Վրացի խոշոր գործարարը Սահակաշվիլու դեմ

Վրացի միլիարդատեր և բարեգործ Բիձինա Իվանիշվիլին հայտարարել է, որ պատրաստվում է ստեղծել կուսակցություն և մասնակցել 2012թ. կայանալիք Վրաստանի խորհրդարանական ընտրություններին: Նա իր այս որոշումը պատճառաբանել է հետեևյալ կերպ` - «Նախագահ Սահակաշվիլին ձևավորել է այնպիսի քաղաքական համակարգ, որը նրան թույլ է տալիս միշտ մնալ իշխանության ղեկին:

Սահակաշվիլին վրաց ժողովրդի հանդեպ այնպիսի մեծ և աններելի սխալներ է թույլ տվել (և շարունակում է այսօր), որ նա ուղղակի պետք է ներում խնդրի ժողովրդից և հեռանա», - ասել է Իվանիշվիլին:

Իվանիշվիլին խոշոր հոլդինգի սեփականատեր է և նրա հիմնական բիզնեսը գտնվում է Ռուսաստանում: Վերջինս ասել է, որ մոտակա շրջանում պատրաստվում է հրաժարվել Ռուսաստանի և Ֆրանսիայի քաղաքացիությունից:

Իվանիշվիլին Վրաստանում հայտնի է իր բարեգործական ծրագրերով և երբևէ չի զբաղվել քաղաքականությամբ:
Այս տարի Forbes ամսագիրը նրա կարողությունը գնահատել էր $ 5,5 մլրդ:

Ըստ վրացի վերլուծաբանների սա լուրջ մարտահրավեր է` ուղղված Սահակաշվիլուն, որը շատ հավանական է իր լուրջ ազդեցությունը կթողնի Վրաստանի ներկա քաղաքական իրավիճակի վրա: Հաղորդում է BBC Russia–ն: