Միքայել Ասլանը՝ «զազա» ժողովրդի մասին

Հայկական էթնիկ երգերի փոխանցման նպատակով ստեղծվել է «Փեթակ» ձայներիզը, որը «զազա երաժիշտ» Միքայել Ասլանի և «Ակունք» անսամբլի ղեկավար Սարգիս Ալավերդյանի համատեղ աշխատանքի արդյունքն է։ Այս առիթով կայացած ասուլիսին հանդես եկան երկու հեղինակները՝ ներկայացնելով ձայներզի երգերի ստեղծման պատմությունը։

Ասուլիսին Միքայել Ասլանը, անդրադառնալով զազաներին, ասաց, որ նրանք բնակվում են Դերսիմում։ Զազա ժողովուրդն ունի շատ հին մշակույթ, որը հաճախ նմանեցնում են քրդականի հետ, սակայն դա սխալ է։ Զազաների մեջ շատ կան մարդիկ, ովքեր ծագումով հայ են։ Միքայել Ասլանի խոսքերով՝ ինքը շատ երկար ժամանակ է՝ ինչ զբաղվում է հայ երգով և ունի մի շարք երգեր՝ տարբեր ժողովածուներից։ Ասուլիսին նա խոստովանեց, որ իր համար ամենակարևոր աղբյուրը Կոմիտասի աշակերտ Միհրան Թումաջյանի գրառումներն են եղել. «Ես նրա մոտ գտել եմ տեղեկություններ, որտեղ գրված են եղել, որ մի շարք հայ ընտանիքներ ժամանակին տեղափոխվել են Դերսիմ»։