Զազաների ու հայերի երաժշտությունը

«Ակունք» անսամբլի ղեկավար Սարգիս Ալավերդյանը այսօր կայացած Միքայել Ասլանի հետ համատեղ ասուլիսին ներկայացրեց «Փեթակ» ձայներիզի ստեղծման նախապատմությունը։

Նա նշեց, որ իրենց հանդիպումը կայացել է 2009 թվականաին երբ Տիգրան Հակոբյանը իրենց տարել է Դերսիմ (զազա երաժիշտ) Միքայել Ասլանի հետ փոխադարձ շփումը կայացնելու համար։

Այնտեղ նրանք մասնակցել են ազգային ժողովրդական փառատոնին, որը անչափ տպավորվել է իրենց մոտ. «Մենք շփվեցինք զազաների հետ, ծանոթացանք նրանց մշակույթին ու պատմությանը։ Փառատոնին մեզ յուրրաքանչյուրին հատկացված էր քսան րոպե և երբ Միքայելը իր ելույթում ասաց, որ այստեղ եկել են հյուրեր Հայաստանից և շեշտեց, որ նրանք մեր հոգևոր հայրերն ու եղբայրներն են՝ մենք շատ հուզվեցինք, նա անգամ մեծ համարձակությամբ խոսեց գենոցիդի մասին։ Այդ հանդիպումը մեզ հնարավորություն տվեց հասկանալու, որ այդ երկրում ապրել են հայերն ու զազաները և անգամ երգի մեջ կային հարազատության որոշակի տարրեր»։