ՌԴ-ն և ԱՄՆ-ն ՄԱԿ-ում բանաձևի նախագիծ են ներկայացրել՝ հաջակցություն Սիրիայում հրադադարի
Ռուսաստան
Ռուսաստանը և ԱՄՆ-ն ՄԱԿ-ի Անվտանգության խորհրդին բանաձևի նախագիծ են ներկայացրել՝ հաջակցություն Սիրիայում հրադադարի ռեժիմի, որը պետք է ուժի մեջ մտնի փետրվարի 27-ի կեսգիշերին: Այդ մասին, ինչպես տեղեկացնում է «Արմենպրես»-ը, լրագրողներին հայտարարել է ԱԽ-ում նախագահող վենեսուելացի դիվանագետ Ռաֆայել Ռամիրեսը:
«Մենք Ռուսաստանի և Միացյալ Նահանգների պատվիրակություններից բանաձևի նախագիծ ենք ստացել հաջակցություն քաղաքական գործընթացի և հրադադարի»,- ասել է նա և հավելել, որ ՄԱԿ-ի ԱԽ-ի անդամներին ժամանակ է հարկավոր փաստաթուղթն ուսումնասիրելու համար, բայց նրանք հույս ունեն այն ընդունել հնարավորինս շուտ:
Ինչպես ՏԱՍՍ-ին հայտնել է ԱԽ-ի անդամ երկրներից մեկի մի դիվանագետ, բանաձևը կարող է ընդունվել Մոսկվայի ժամանակով ժամը 23:00-ին:
Փետրվարի 22-ին Ռուսաստանը և ԱՄՆ-ն հանդես են եկել համատեղ հայտարարությամբ, որում նշել են, որ Սիրիայում հրադադարը ուժի մեջ կմտնի փետրվարի 27-ին Դամասկոսի ժամանակով ժամը 00:00-ին: Հրադադարը չի տարածվի «Իսլամական պետություն», «Ջեբհաթ ան նուսրա» և ահաբեկչական այլ խմբավորումների վրա, որոնք այդպիսիք են ճանաչված ՄԱԿ-ի Անվտանգության խորհրդի կողմից:
ՈՒՂԻՂ ԵԹԵՐ
Ամենադիտված 
Սոչի մեկնող ինքնաթիռը ճանապարհին անցկացրել է մեկ օր, սակայն տեղ չի հասել
