Երգիչ Արման Հովհաննիսյանին ստիպել են մասնակցել համերգին կամ լքել երկիրը

Գաղտնիք չէ, որ երգիչ Արման Հովհաննիսյանն այսօր Հայաստանում ամենաբարձր վարձատրվող և ամենամեծ պահանջարկ ունեցող արտիստներից մեկն է: Եվ զարմանալի չէր, որ Հանրապետական կուսակցության նախընտրական քարոզչության շրջանակներում եզրափակիչ համերգ-հանրահավաքին նախատեսված էր նաև նրա ելույթը:

«Հրապարակ»-ի փոխանցմամբ՝ նույն օրը Արմանի հորեղբոր թաղումն էր և երգիչը դիմել է համերգի կազմակերպիչներին և հայտնել, որ չի կարող այդ օրը ելույթ ունենալ՝ սգի մեջ լինելու պատճառով: Ինչին պատասխան է ստացել, որ չերգելու դեպքում կարող է հենց նույն օրը իրերը հավաքել և լքել երկիրը: Ի վերջո, երգիչը ստիպված մասնակցել է չարաբաստիկ համերգին: