Եգիպտոսում զանգվածային անկարգությունների ալիքը տարածվել է Սուեց քաղաք

Զանգվածային անկարգությունների ալիքը Եգիպտոսում տարածվել է Կահիրեից արևելք գտնվող Սուեց քաղաք։ Ուրբաթ երեկոյան զանգվածային բախումներ են գրանցվել զինվորների և ցուցարարների միջև։ Բախումները տեղի են ունեցել քաղաքի վաչական շենքի դիմացի հրապարակում։ Ցուցարարները չեն ենթարկվել անվտանգության ուժերի՝ կարգը պահպանելու պահանջներին և մետաղյա ձողերով հարձակվել են նրանց վրա, հաղորդում է Itar-Tass–ը։

Միաժամանակ մի քանի բախումներ են գրանցվել երկրի տարբեր քաղաքներում, որտեղ անվտանգության ուժերը լուրջ պատրաստվածության բերվել ցուցարարների կողմից անկարգությունների ալիքի հնարավոր տարածման պատճառով։ Ցուցարարները նաև փորձել են գրավել երկրի Պաշպանության նախարարության շենքը։ 

Բողոքի զանգվածային ցույցերը ցրելու համար անվտանգության ուժերը արցունքաբեր գազ, ջրաշիթ և ռետինե փամփուշտներ են կիրառել։ Ըստ երկրի առողջապահության նախարարության տվյալների, վերջին օրերին տեղի ունեցող զանգվածային անկարգությունների պատճառով զոհվել է 373 մարդ։

Ցուցարարները պահանջում են, որպեսզի Հոսնի Մուբարաքի ռեժիմի տապալումից հետո իշխանության եկած ռազմական ուժերը երկրի կառավարումը հանձնեն քաղաքացիական ուժերին, հակառակ դեպքում սպառնում են նորից հեղաշրջում իրականացնել։